Veljka Ruzicka Kenfel

Breve CV

Catedrática de Universidade da área de Filoloxía Alemá. Doutora en Filoloxía Alemá pola Universidade de Santiago de Compostela (España) co premio extraordinario de doutorameto en 1989. Coordinadora do módulo “Literatura, lingüística y traducción” do Doutoramento en Comunicación (con Mención de Calidade) da Universidade de Vigo. Investigación: Literatura infantil e xuvenil alemá. Estudos de traducións, adaptacións e traducións audiovisuais da Literatura infantil e xuvenil alemá en España. Investigadora principal do grupo de investigación “Literatura Infantil y Juvenil anglo-germana y su traducción” que en 2006 obtivo o estatus de grupo de excelencia. Cofundadora da “Asociación Nacional de Investigación de Literatura Infantil y Juvenil”. Foi a súa presidenta entre 1999 e 2009 (actualmente é a vicepresidenta). Coeditora da revista “Anuario de Investigación en Literatura Infantil y Juvenil” (AILIJ). Foi membro do Xurado do “Premio de Traducción de libros infantiles y juveniles” do Goethe Institut. Coordinadora da colección “Diálogos Intertextuales” na editorial Peter Lang, Frankfurt, Alemaña, na que se publican estudos sobre a tradución, adaptación e tradución audiovisual no ámbito da literatura infantil e xuvenil. Membro electo da Mesa Lingüística de Alemá da Conferencia de Reitores de Universidades Españolas (CRUE), desde 2013 ata a actualidade.